ໃຈນັ້ນສຳຄັນຈັ່ງໃດ?

 

• ຮ້ອນທີ່ສຸດຄືຮ້ອນໃຈ

• ຫນາວທີ່ສຸດຄືຫນາວໃຈ

• ອຸ່ນທີ່ສຸດຄືອຸ່ນໃຈ

• ເຢັນທີ່ສຸດຄືເຢັນໃຈ

• ຫນັກທີ່ສຸດຄືຫນັກໃຈ

• ເບົາທີ່ສຸດຄືເບົາໃຈ

• ແຂງທີ່ສຸດຄືແຂງໃຈ

• ອ່ອນທີ່ສຸດຄືອ່ອນໃຈ

• ເຈັບທີ່ສຸດຄືເຈັບໃຈ

• ສະບາຍທີ່ສຸດຄືສະບາຍໃຈ

• ດີທີ່ສຸດຄືດີໃຈ

• ຊົ່ວທີ່ສຸດຄືຊົ່ວທີ່ໃຈ (ໃຈຄິດຊົ່ວ)

• ເສຍທີ່ສຸດຄືເສຍໃຈ

• ໄດ້ທີ່ສຸດຄືໄດ້ໃຈຄົນທີ່ເຮົາຮັກ Love…Love…

             *******ຯຯຯ******* 

ເຢ້ໆ!!

ສຸດແຕ່ໃຈຈະໄຂວ່ຄ້ວາ

ໃຈປະສົງແລ້ວ ກາງດົງກໍວ່າທົ່ງ

ໃຈຂີ້ຄ້ານ ກາງບ້ານກໍວ່າດົງ

ໃຈປະສົງແລ້ວ ເມືອງແກວກໍດັ້ນຮອດ

ໃຈບໍ່ໄດ້ຍອດຊູ້ສິບໍ່ຫມາຍຊ້ອນຮ່ວມຜູ້ໃດ

ໃຈບໍ່ໃສຕໍ່ແກ້ວ ແຍງເງົນກໍບໍ່ສ່ອງ

ໃຈບໍ່ໃສຕໍ່ຄ້ອງ ຕີໄດ້ກໍບໍ່ດັງ

ໃຈບໍ່ໂສດາດ້ວຍ ເວົ້າມ່ວນກໍເປັນຜິດ

ໃຈບໍ່ໂສດາດອມ ເວົ້າດີກໍເປັນຮ້າຍ

ໃຈອ້າຍປະສົງຕໍ່ນ້ອງຈຶ່ງວຽນມາຖາມຂ່າວ

ມີລະບໍໍຜູ້ບ່າວສ່ຳນ້ອຍເປັນເຈົ້າຫົວໃຈ,,,

ຄົນລວຍໆ

+++ປະເພດຄົນລວຍ+++

ເວົ້າເຖິງຄົນລວຍນັ້ນມີກັນຫລາຍປະເພດ

ແຕ່ລະເຫດສົ່ງໃຫ້ພວກເຂົາໄດ້ມັ່ງມີ

ພວກຫນຶ່ງນັ້ນລວຍຍ້ອນຄ້າຂອງເຖື່ອນຫນີພາສີ

ພວກຫນຶ່ງມີເງິນທອງຍ້ອນວ່າຂາຍຢາບ້າ

ພວກຫນຶ່ງທຳການຄ້າຂາຍຂອງປະເທດອື່ນ

ໄປຊື້ມາຫນ້ອຍໆຂາຍລົ້ນມາກເຫລືອ

ບາງຄົນລວຍເພາະຕັດໄມ້ທຳລາຍປະເທດຊາດ

ເຂດປະກາດຫວງຫ້າມເຂົາບໍ່ຢ້ານຢຳເກງ

ລ້ຽງນັກເລງເຕັມບ້ານກົດຫມູ່ເຫນືອກົດຫມາຍ

ບາງທະລາຍພູເຂົາເອົາມາເປັນຫີນກ້ອນ

ປະຊາຊົນສິເດືອດຮ້ອນເຂົາກະບໍ່ສົນໃຈ

ຄົນຈັງໄຮຄອງເມືອງຮ່ວມກັນໂກງກິນບ້ານ

ບາງຜ່ອງລວຍທາງຫລິ້ນການພະນັນຂັນຕໍ່

ເປັນເຈົ້າພໍ່ໃຫຍ່ຄັບບ້ານຄົນຢ້ານທົ່ວເມືອງ

ບາງຜ່ອງລວຍທາງຄ້າເອົາກຳໄລເກີນຂະຫນາດ

ຂູດຮີດລາດຊະດອນໃຫຍ່ນ້ອຍຄົນຈົນນ້ອຍເນື້ອຕ່ຳໃຈ

ບາງຄົນລວຍຍ້ອນເປັນເຈົ້າມືຫວຍເຖື່ອນ

ຂາຍກັນເກື່ອນທົ່ວບ້ານບໍ່ມີຢ້ານຜູ້ໃດ...ຈັ່ງຊີ້ກະມີພີ່ນ້ອງເອີຍ!

               ********ຯຯຯ********

ຄຸນນະທັມ 10 ຢ່າງ

1.  ກ້າຫານໃນທາງທີ່ຊອບ.

2.  ປະກອບກິດດ້ວຍຄວາມຂະຫຍັນ.

3.  ໝັ່ນສຶກສາຫາຄວາມຮູ້.

4.  ກະຕັນຍູຕໍ່ຜູ້ມີພະຄຸນ.

5.  ສົມບູນດ້ວຍມາລະຍາດ.

6.  ບູຊາຊາດ, ສາດສາສະນາ, ແລະພັກລັດ.

7.  ເຄັ່ງຄັດຕໍ່ລະບຽບ.

8.  ບໍ່ເອົາປຽບມິດສະຫາຍ

9.  ມີຈິດໃຈແຜ່ຜາຍເອື້ອເຝື້ອ

10.  ເຊື້ອຟັງພໍ່ແມ່, ຄູບາອາຈານ.