ກະດູກສັນຫລັງຂອງ ສປປ ລາວ

ກະດູກສັນຫລັງຂອງ ສປປ ລາວ 1/2

ກະດູກສັນຫລັງຂອງ ສປປ ລາວ 2/2

ຜະຫຍາສອນສາວ

***ສອນສາວ***

ເປັນສາວແລ້ວວາງໂຕໃຫ້ເຂົ້າທ່າ

ຄຳເວົ້າຈາໃຫ້ອ່ອນນ້ອມຖ່ອມໂຕໄວ້ຢ່າຂົ່ມຄົນ

ໃຫ້ວາງຕົນສົມຄວນໄວ້ກາຍວາຈາສະຫງົບງ່ຽມ

ຕິນຜົມໃຫ້ລ່ຳກ້ຽງຕີນສິ້ນໃຫ້ລ່ຳພຽງ

ຢ່າເປັນຄົນຖຽງສູ້ລູໆຄຽດງ່າຍ

ໃຫ້ຄິດອາຍພວກພີ່ນ້ອງເຮືອນໃກ້ສິຫນ່າຍແຫນງ

ໃຫ້ຮັກແພງເອົາໄວ້ເງິນທອງຂອງເກົ່າ

ຢ່າສິຟ້າວຈ່າຍຊື້ຂາຍສ້ຽງຄູ່ຊູ່ອັນ

ຢ່າຊວນກັນໄປຫລິ້ນເປັນຄົນບໍ່ເອົາງານ

ຢ່າເປັນຄົນຂີ້ຄ້ານຫມັ່ນໄປມົ້ວແຕ່ຜູ້ຊາຍ

ຢ່າເປັນຄົນປາກຮ້າຍເວົ້າຫລາຍສິເປັນຕາຫນ່າຍ

ປ່ຽນຜູ້ຊາຍບໍ່ຊ້ຳຫນ້າຫາກິນຫລິ້ນບໍ່ຫ່ວງຮຽນ

ໃຫ້ເຈົ້າຮຽນຢ່າທໍ້ຈົ່ງພໍໃຈທີ່ເປັນຢູ່

ເຊື່ອຟັງຄູພໍ່ແມ່ເວົ້າປູ່ຍ່າເຖົ້າເພິ່ນກ່າວສອນ

ຢ່າສະອອນແຕ່ນຳຫລິ້ນຕັ້ງໃຈຮຽນໃຫ້ຕິດຕໍ່

ໄດ້ເຮັດວຽກດີຜູ້ບ່າວສິງໍ້ມາຂໍເຈົ້າແຕ່ງເອງ...ດອກນາ

ຢ່າມາຊິ່ງເຫມືອນຍາຍເດີມັນບໍ່ດີຫລານເອີຍ!

ມີແຕ່ໂຊກດີໆ

 

***ຄັນຊາຍໃດເຂົ້າມາບລ໋ອກນີ້

ຂໍໃຫ້ມີສຸກໃຈເຫມືອນຢູ່ສະຫວັນ

ສາລະພັນຄວາມສະນຸກສຳບາຍຫາຍຮ້ອນ

ຍາມກິນຂໍໃຫ້ມີນາງຟ້າປ້ອນຍາມນອນນາງຟ້າກ່ອມ

ນາງຟ້າຫອມກອດເຈົ້າໄວ້ບໍ່ໄລຂ້າງຫ່າງກັນ...ສາທຸເດີ ໆ!!

********ຯຯ********

***ຄັນຍິງໃດເຂົ້າມາບລ໋ອກນີ້

ຂໍໃຫ້ມີສຸກໃຈເຫມືອນຢູ່ສະຫວັນ

ສາລະພັນຄວາມສະນຸກສຳບາຍຫາຍຮ້ອນ

ຍາມກິນຂໍໃຫ້ມີເທວະບຸດປ້ອນຍາມນອນເທວະບຸດກ່ອມ

ເທວະບຸດຫອມກອດເຈົ້າໄວ້ບໍ່ໄລຂ້າງຫ່າງກັນ...ສາທຸເດີ ໆ!!

ເລືອກເມຍຈັ່ງໃດດີ?

 *****ຯຯ*****

ຍິງໃດມັກອວດອ້າງເດີນຢ່າງແຍງຄີງ

ຄິດແຕ່ໃຫ້ຜູ້ຊາຍຊົມອວດນົມສອງເຕົ້າ

ອີກບໍ່ພໍມີແຕ່ແຕ່ງຫນ້າແຕ້ມຕາຄິ້ວກົ່ງ

ຕັນຫາມີມາກລົ້ນບໍ່ຄວນໃຫ້ເປັນເມຍ

ຍິງໃດເຮັດວຽກບ້ານເຮືອນຊານໃຫ້ສະອາດ

ຍິງນັ້ນປາດທ່ານອ້າງນາງແກ້ວປະເສີດສິນ

ຍິງໃດສົມບູນດ້ວຍເຮືອນສາມນ້ຳສີ່

ຍິງນັ້ນດີເລີດລ້ຳຄວນແທ້ແມ່ສີເຮືອນ

ຍິງໃດມີສິນຫ້າວັນທານົບນ້ອມ

ພຽນຂະຫຍັນບໍ່ເວັ້ນທຳສ້າງບໍ່ເຊົາ

ຄວນທີ່ເອົາມາໄວ້ໃນເຮືອນເປັນແກ້ວມິ່ງ

ພາຍຫນ້າພຸ້ນເຮົາສິໄດ້ເພິ່ງເຢັນ

************